東京過江龍: 主打佐賀A5和牛 鹿兒島黑毛和牛火鍋 — 溫野菜
今次要介紹來自日本東京既過江龍 — 溫野菜。溫野菜係2000年於東京開幕，2014打入台灣，近年更加打入香港～温野菜指温熱既野菜，故名思義佢主打以新鮮既蔬菜配上日本各地和牛、豚肉打邊爐。
入到去第一樣就係揀湯底喇～見到湯底既餐牌已經留哂口水，呢到既湯底好多款式，而且好有特色，好吸引啊～ 餐牌上一共有9款湯底，包括有北海道昆布湯、四川豆瓣醬麻辣湯、有機大豆乳湯、秘傳月見壽喜湯、完熟番茄湯、骨膠原柚子湯、北海道咖哩湯、鰹魚湯和藥膳湯。
我地就揀左秘傳月見壽喜湯同鰹魚湯！兩款湯味道比較濃，壽喜湯真係好甜，而鰹魚湯有鮮魚香而且吾腥～不過如果再揀的話，我會推介大家揀淡一d既湯底，咁會更食到和牛既味啊🙌🏻
當晚我地點左兩款和牛:
佐賀A5和牛 $188
鹿兒島黑毛和牛 $148
佐賀A5和牛一上枱就見到牛身好多雪花，果然一食落去好嫰好滑，入口即溶。只係覺得切得太薄，比起上年係佐賀食既厚切，就無咁香濃牛味～之後食既鹿兒島和牛就稍為無咁滑口，係瘦d既，不過都比平時食既美國打邊爐肥牛鮮味同嫩好多！建議大家食左鹿兒島和牛，再食佐賀，一層層更濃牛味，同更滑😋
當日熊本豚肉賣哂，唯有點丹麥既豚肉，我地都叫左兩款:
丹麥豚肉腩 $38; 丹麥豚肉眼 $38
食落都吾差喎～雖然吾係好滑，但有驚喜！都幾濃豬味架啊！
話明出名菜，當然要點一個野菜五品盛合 $58，入面所有蔬菜也係由日本出產，五種食落都好新鮮，配住和牛同豚肉食，中和當中既膩，係好完美既配合啊😊
另外，我哋仲叫咗一個黑松露免治雞肉竹筒。黑松露好香，配埋雞肉食嘅時候口感雖以比較削，但係夠晒香。
黑松露免治雞肉 $39
最後又點少得甜品呢。雖然係火鍋專門店，但係呢度嘅溫野菜雪糕都好值得推介。雲尼拿雪糕上面加咗焦糖漿同埋花生粉，甜得嚟唔會覺得好膩，超好味。
溫野菜雪糕 $25
另外枱上仲有二樽醬油，分別係胡麻醬同柚子醋。胡麻醬係點肉類既，而柚子醋係點菜既。但我地覺得，所有食材吾洗添加，就最原汁原味，最好味😬
温野菜
尖沙咀
地址: 尖沙咀廣東道17號海港城海運大廈LCX 3樓37A號舖
電話號碼: 2153 1801
營業時間: 星期一至日 12:00-23:00
銅鑼灣
地址: 銅鑼灣堅拿道東8號2000年廣場4樓全層
電話號碼: 3709 8328
營業時間: 星期一至日 12:00-23:00
