香港少有的高質素海鮮丼專賣店 〈スーパー丼 SUPERDON〉-VF日風研習 I · 丼


關於「丼」

來自日本既「丼」一直深受香港食客歡迎,然而VF小編發現吾少人對「丼」認識吾深,所以今次我地做一個介紹「丼」既專題,而且仲會推薦一間我地非常欣賞,回頭率高,只賣高質素食材既海鮮丼專賣店,絕對係割愛分享!

在開始之前,一定要講的!大家一定要注意「丼」既正確讀音,讀音為DON,吾好再讀錯井喇!「丼」係一個來自日本古代既漢字,日本男主外女主外,妻子會將準備好既菜飯放係一個四四方方既盒仔入面,之後就衍生左「丼」呢個象形文字。到後來「丼」就代表,碗中載著白飯,上面擺上吾同種類既副食。

日本人最常吃既有以下呢幾種丼飯:牛丼、天丼、海鮮丼、勝丼(即吉列豬扒)、鰻丼、親子丼等等。VF小編大愛海鮮丼,成日想係香港搵到一間有質素,性價比高既海鮮丼專賣店,尋尋覓覓,終於係朋友介紹之下搵到呢間,スーパー丼 SUPERDON!

(按圖右有店內圖啊)

原來係古時,日本既漁夫係出發捕魚之前,一定會準備醋飯,方便係船上面食用。當一捉到魚穫時,就會即刻切即刻食,咁先可以食到最新鮮既滋味。所以賣得海鮮丼,基本要求就係要食材新鮮!當日係スーパー丼見到師傅即場切原條挪威三文魚,聽講スーパー丼 SUPERDON所選用既海鮮都係每日由日本飛機運到的!

​〈スーパー丼 SUPERDON〉メニュー(MENU)推薦

メニュー(MENU)當中,我地非常推薦北海道馬糞海膽丼、火焰熊本A5和牛刺身丼。

世界各地都有出產海膽,但講到最高質素,北海道既馬糞海膽一定走吾甩。スーパー丼選用既正正就係北海道馬糞海膽,而且絕不厄秤,一碗已經有大半版馬糞海膽。VF小編知道市場上吾少日本餐廳,將加拿大或者美國海膽混住日本既海膽賣比客人,但價錢依然好貴,所以係香港搵日本既好野食都介紹吾落。

北海道馬糞海膽丼 $338

北海道馬糞海膽丼 $338

馬糞海膽食落去,帶有鮮甜味,一啲都吾腥,口感豐腴,入口即溶。而三文魚籽都係來自北海道,同樣都係有鮮魚香又吾腥!

北海道馬糞海膽丼 $338

日本和牛之中,以A5級為最頂級既和牛。熊本既A5和牛刺身牛味較重,油脂較多,所以好滑身,就算全生咁食都係一啲都吾靭,配埋來自北海道既生雞蛋,真係一絕!

火焰熊本A5和牛刺身丼 $388

火焰熊本A5和牛刺身丼 $388

VF小編悄悄的推薦,點A5和牛刺身丼時同店員講要5成熟啊!用火炙既熱力迫左牛既油脂出黎,再滲入左下層既飯到一齊食,成碗飯真係啖啖都牛味濃。

火焰熊本A5和牛刺身丼 $388

如果第一次去想貪心小小,可以點海膽· 大吞拿魚腩· 三文魚籽丼,一碗就可以食到三重鮮味。吞拿魚腩[トロ(Toro)],好多人都知道係指有好多脂肪的吞拿魚肚腩,而大吞拿魚腩[大トロ(Ōtoro)]就係含最多最多脂肪的魚腩喇。岩岩講左啦,日日新鮮運到,新鮮即切即食,中意食トロ既人不容錯過!

海膽· 大吞拿魚腩· 三文魚籽丼  $268

海膽· 大吞拿魚腩· 三文魚籽丼 $268

呢道仲有得自選配搭海鮮丼,其他新鮮食材仲有北海道帆立貝,牡丹蝦,活赤貝,油甘魚等等。順帶一提呢到既Lunch Set好抵食,仲包埋麵豉湯同沙津。

海膽· 大吞拿魚腩· 三文魚籽丼  $268

「丼」の食法

吃法 1

吾好將丼飯撈埋一齊食,而係要從碗既一邊食到另一邊,才吃得到井飯的美味。

吃法 2

將你想要既Wasabi份量撈落豉油到,之後淋落飯入面,將丼飯既配料攪拌。

吃法 3

自己搭配米飯、海鮮、豉油/Wasabi份量,例如吾同海鮮配既Wasabi份量都吾同,就個人喜歡。

F小編最中意吃法1,吾將丼飯同海鮮攪拌,吾落豉油/Wasabi,希望食到配料既最鮮味。

V小編就中意吃法2,由自己調教既豉油/Wasabi份量撈埋丼飯同配料,之後大啖啖既食,每一啖都好有層次感,好豐富。

下集VF日風研習,我地繼續講丼,講我地另一大愛天丼同鰻魚丼,記得留意喇。

〈スーパー丼 SUPERDON〉店舖資訊

地址: 東角駱克道501號 電話: 2668 1663 營業時間: Sun-Thur 11:30-23:00 ; Fri-Sat 11:30-23:45 網頁: https://www.facebook.com/superdonhk

RECENT POSTS
SEARCH BY TAGS
ARCHIVE