日本大阪人氣芝士撻－ PABLO (上)

今次去大阪我地就試左新出既「PABLO Mini」迷你半熟芝士撻，直徑由原版15cm縮到6.5cm (下集會詳細介紹三個SIZE (大/細/Mini) 既芝士撻，吾止大細既分別)。平時去日本一定密密食，MINI撻細細個，一次食一至兩個岩岩好，吾會太飽又試到不同味道 :D

MINI撻有好多味道架，吾同地方，吾同季節都有特別味道限定。要留意啊，大阪心齋橋外賣店只有原味，朱古力，抹茶味道。

Mini 撻既價錢由 ¥200 (稅入) 至 ¥300 (稅入)不等，即係港幣 $15.6至$23.4左右。(匯率 $1 : ¥7. 8) 大家記得留意2016年既季節限定同地區限定，我地都整左個表比大家易d睇 :)

草莓味Mini撻：只限以下PABLO Mini專門店 (Whity 梅田店/ Ario八尾店/ Aeon Mall大和郡山店/ 秋葉原店)
沖繩縣紅薯Mini撻：只限沖繩國際通大街店
芒果Mini撻：只限以下PABLO Mini專門店 (秋葉原店/ howaiti梅店/ Ario八尾店/永旺夢樂城大和郡山店) *8/1(星期一) ~ 9/30（星期五）
Mont Blanc Mini撻： PABLO專門店 (表參道店/ 神戶元町店/ 姬路店/ 郡山站前店LaLaport立川立飛店/ 梅田HEP FIVE店) *9/1（星期四）~ 9/30（星期五) PABLO mini專門店 (秋葉原店/ 梅田店/ Aeon Mall大和郡山店/ Ario八尾店) *9/1 (星期四）~ 10/31(星期一)

試食報告

MINI撻既芝士配方V仔好中意，不單止芝士味好香好濃郁 (基本野)，細心咁嗒下佢，會覺得調味得好出色，咸甜相稱，吾會太甜而咸味又不會太出 (有試過Bake Cheese Tart既人應該會食到有點偏咸)。Mini撻芝士表面微微咁焗燶左，增加左味道既層次，仲減輕左芝士太膩既感覺。當日，我地試左原味、抹茶味，抹茶味淡淡的，食落芝士味比抹茶味較重，吾算好特別，我地都係覺得原味最正! <3 口感方面，撻皮係類似牛油皮咁，可能焗左一段時間放涼左，所以無想像中咁脆口。咬開中間，芝士流心只係慢慢、微微咁流出，不過食嘅時候都幾張口，好rich既感覺。為左證實一食新鮮出爐既味道同口感，我地買多左個黎叮。原本既MINI撻係室溫之下，用500W去叮10秒就夠！(如果吾係會爆架! ) 叮完之後當然比放涼左食更加流心，但驚喜既食芝士味仲濃左，不過個撻皮都係無expect咁脆，所以建議大家吾趕時間就去有得坐既Pablo cafe食熱辛辣 (地址在下)，吾好去外賣站。