貓奴必到－和歌山貴志駅、探三色貓「二玉」(二たま) 站長
身為超級貓奴既F妹，一早已經好想去探貴志駅既貓站長－「小玉」，今次帶大家一齊去坐TAMADEN「小玉電車」 、參觀貴志駅、探「小玉」同「二玉」啦 :D
貴志駅 背景
貴志駅係電鐵貴志川線既終點站。2007年貴志駅委任左「小玉」為站長，合約任期係终身，主要工作是招呼客人，年薪係一年份量的猫糧 XD 小玉站長上任之後，令貴志駅生色不少，除左本地人常常黎探佢之外，亦都有好多遊客遠道而來，漸漸地貴志駅就成為左和歌山的人氣地標喇～
不過，小玉站長係2015年6月22日過左身:’(
而家由「二玉」接任站長一職～
小玉站長 二代玉站長
「たま電車 TAMADEN」交通資訊
由和歌山駅出發，坐和歌山電鐵貴志川線到尾站貴志駅落車，就可以去到小玉同二玉既上班地點^_^ 和歌山電鐵貴志川線有三架吾同主題既電車，分別係：小玉電車、草莓電車、玩具電車。可以上佢哋嘅網站check返每架火車嘅時間架
我地當然搭小玉電車啦:p 係行去和歌山電鐵貴志川線沿途既牆壁、樓梯已經有好多小玉既裝飾～月台上面有day pass賣嘅，只要係即日來回貴志站就可以回本架喇。
小玉電車無論外面定裡面都係畫滿左小玉既卡通圖案架，F妹最中意係車頭頂的貓貓耳朵，同埋車窗既小玉大頭像貼紙 :D
與二玉見面
坐電車既時間好似過得好快咁，眨下眼就到左貴志駅喇，我諗因為我地太專心同電車上既小玉影相 :D
去到貴志駅，當然第一時間去探二玉站長，一落車行落樓梯，就會見到佢番工專屬既崗位（係你既右手邊，左邊係TAMA CAFE)，如無意外佢係會扒係個Cushion上面～
佢真係好懶洋洋架，又氣定神閒咁，即使好多人同佢影相都係無驚過，一樣咁老定 XD
有時二代玉會背向外面，你地就入去精品店，會有另一個窗口比大家同二代玉影相架～
參觀貴志駅
無論係站內、站外都有好多小玉本尊既相，小玉卡通造型既擺設及裝飾，仲有一間小玉、二代玉既精品店同一間小型TAMA CAFE，就算連廁所都係好多小玉卡通既相係到架^_^
(按下Slideshow啊:D)
大家記得出去站外面，會見到有貓耳朵既屋頂架！:P
圖中既左手邊門口就係精品店既入口啊，F妹買左8000YEN既小玉產品番去啊。
TAMA CAFE 刨冰
TAMA CAFE入面都有好多小玉既佈置，另外最吸引F妹既就係下面呢個模仿小玉貓頭既刨冰雪糕:P 原來好想要雲尼拿味雪糕＋檸檬牛奶味刨冰，因為小玉都係白毛毛底色既～ 不過個時５點幾已經賣哂雲尼拿味:( 最後揀左綠茶味雪糕＋綠茶牛奶味刨冰
你地都已經睇哂個MENU，自己配搭想要既顏色，每一杯係660 yen:)
店員會好細心咁砌起個貓貓樣，以下就係個制成品喇 :)
日本既綠茶雪糕當然無伏，有香濃既奶味，又有綠茶味，唯一係有d甜左少少 :p
而外面無咩味既冰，你可以用來配雪糕一齊食，又或者食哂成個雪糕，再搞均入面既綠茶牛奶，不過係夏天食要小心呀，好快會溶哂架xd 個冰既綠茶牛奶醬都係偏甜，而且無乜綠茶味，不過係消暑良品～哈哈
另外個杯都係有小玉卡通架～嘻嘻
食完都想留完個杯XD
車站資訊
地址：和歌山電鐵貴志川線貴志駅
和歌山電鐵網站：http://www.wakayama-dentetsu.co.jp/train/
