北海道四大花田－被薰衣草太陽花包圍的國度

今次我哋會介紹富良野嘅花田嘅。富良野位於北海道嘅中部。而富良野最出名嘅，就係夏天薰衣草係盛開嘅時候啦。最適合欣賞薰衣草嘅時間呢就係七月頭至中左右。而呢個時候去到富良野天氣亦都非常之舒服，由於地方空曠所以日頭同夜晚嘅溫差非常之大，日頭最高呢可能可以上到30度左右，但夜晚就好涼爽，會落返20度以下嘅。

喺富良野我哋揀咗四間農場同花田俾大家參考。其實係富良野旅遊呢最方便一定係自駕遊嘅，因為好多地方都同火車站嘅距離比較遠，位置都比較偏僻。所以如果冇揸車嘅話呢就非常之唔方便嘅。關於自駕遊嘅注意事項呢大家可以睇返呢一度參考一下。

日本自駕遊注意事項

https://www.facebook.com/vfmemoir/photos/a.1557553847873744.1073741828.1557548794540916/1576988325930296/?type=3&theater

https://www.facebook.com/vfmemoir/photos/a.1557553847873744.1073741828.1557548794540916/1578327942463001/?type=3&theater

富田農場

富田農場係比較熱門，人比較多。如果無自駕遊嘅朋友，呢個農場交通就相對最方便啦。中間有一個好大嘅薰衣草田，影相好靚架。但要留意人多影出黎吾夠靚。農場同時亦都種左好多其他不同顏色嘅花，睇落自然舒服。

富田農場大部份都係平地，起伏不多，行起上黎唔會辛苦。但係停車場後向上行其實都有一大片薰衣草田，不過我哋去到嘅時候已經到左收割期，無得影靚相啦。

網站：http://www.farm-tomita.co.jp/

地址：中富良野町基線北15 MAPCODE：349 276 743

四季彩之丘

四季彩之丘都係比較熱門。地勢起伏比較大，可以睇到山丘起伏上嘅花田。一入去同樣都去係一大個薰衣草田。行到入去，見到一行行不同顏色嘅花，相比起富田農場，呢到既種出黎花既彩虹面貌，反而太唔自然。雖然影相未必係最靚，不過地方應該係四個之中最大，唔怕人多。園內亦都有收費嘅遊覽車代步，咁就可以坐係到慢慢欣賞啦。田外亦都都有手信店同小食賣嘅。

留意四季彩之丘嘅位置距離中富良野較為遠，差唔多去到美瑛架啦。

網站：http://www.shikisainooka.jp/index.html

地址：上川郡美瑛町新星第三071-0473

MAPCODE：349 701 215

フラワーランド Flowerland

Flower-land係山上面，沿住大斜坡種左好多不同類型嘅花。影相嘅時候可以影到田後面狀觀嘅風景，同大勝岳山脈。入面薰衣草，太陽花都好大好大片。如果想影到個人係到一大片花海之間嘅效果，呢度一定啱晒你啦，真係留一個鐘都唔夠影相呀。係斜坡上面有一個觀景台，可以係上面睇晒成個景觀。怕行到攰，比錢就可以坐車上欣賞花田架。隔離仲個小商店街買薰衣草同其他花製品。