三大白濱必到景點，無去到等於冇嚟過白濱－三段壁，千疊敷，円月島
白濱位於和歌山縣，之前介紹過嘅とれとれ市場就係係白濱入面啦。但係山長水遠入白濱，無理由只係燒海鮮嘅。今次我哋會介紹白濱三景，分別就係三段壁、千疊敷同埋円月島啦。白濱本身都係日本其中一個著名嘅度假勝地。除咗有豐富嘅海洋資源，係食到好味嘅海鮮之外呢，亦都有好多溫泉旅館，同埋有名嘅溫泉。但一定唔點少得就係白濱最出名嘅風景同埋沙灘啦。
我哋建議大家可以喺大阪或者和歌山朝早一早出發，如果乘搭黑潮特急號，入到白濱都需要大概兩至三個鐘頭嘅時間嘅。入到去呢就啱啱好午飯嘅時間。如果有留意我哋上一個介紹，就可以去到とれとれ市場嗰度食燒海鮮。詳情可以嚟呢度睇翻:https://goo.gl/sRU07z
乘車資訊
如果係乘搭火車去到白濱站，喺出口轉左就係白濱嘅巴士公司服務櫃枱啦。大家可以根據大家逗留嘅時間買返相關嘅套票。今次我哋會係白濱逗留一日，所以就買咗1-day pass。基本上如果去晒三個我哋介紹吓景點，就可以回到本啦。如果逐程逐程俾錢呢就反而可能會買貴左啦。
記得喺服務櫃檯攞埋巴士班次嘅時間表同埋路線圖，咁就可以就住時間黎玩啦。 如果大家喺大阪或者京都乘搭明光長途巴士入白濱，就會直接去到白濱沙灘附近嘅巴士總站。嗰度呢都可以買到啱啱講嘅day pass嘅。
係白濱搭巴士同日本其他地方一樣，記得係中間門上，落車就喺前門落。落車之前俾司機睇一睇你個pass咁就得架啦。
明光巴士網頁: http://meikobus.jp/
乘搭巴士既方法參考: http://meikobus.jp/how_to_ride_buses_new.html
1-day pass: 1100 yen
2-day pass: 1500 yen
三段壁
食完晏晝飯之後，我地就出發去三景之中第一個景點三段壁啦。三段壁係三個景點之中距離白濱站最遠，由白濱站搭巴士過黎，大概需要20至30分鐘嘅車程。係巴士站落車行過對面馬路，就可以慢慢沿着小徑行出海邊。大概三分鐘路程就會見三段壁啦。
三段壁嘅名字由來係因為佢係有三個斷層嘅岩石所造成嘅。係懸崖頂上面望出去除咗見到一望無際嘅太平洋之外，亦都見到崖邊上面有三個好明顯嘅斷層。大家係欣賞風景嘅同時，可以係懸崖上面亨受免費嘅足湯，咁就可以一路浸住對腳，一路吹住海風，望欣賞一望無際嘅海啦。
我哋都可以選擇乘搭收費嘅升降機去到200米下嘅懸崖底，嗰度就係三段壁洞窟啦。呢一個由有長年累月嘅海水侵蝕而形成嘅蝕洞。洞入面好似一個小博物館咁，介紹以前熊係洞穴係漁夫逃避海盗，同埋熊野軍隊作打扙時藏身地點。洞入邊呢亦都有其他嘅景觀，例如可以係洞穴望返出去太平洋。亦都有一個叫潮吹洞嘅岩石。海水衝入時會湧入，然後因為因為壓力而形成柱狀噴出嘅狀態嘅。如果大家都鍾意呢一啲地質嘅特別景觀，呢個地方就一定適合你啦。
三段壁嘅附近都有大大小小嘅商店。有元貝啦，冬菇茶啦同埋有雪糕食嘅。我哋係嗰度呢就試咗梅味嘅雪糕。食嘅時候覺得有啲山楂味，都幾甜同埋溶得幾快架，大家可以考慮吓試唔試。
如果今個冬天會嘅朋友要留意返，佢係十二月中十三至十六，升降機係暫停服務。大家想落洞穴要留意下唔好摸門釘啦。
巴士路線: 12, 30
上車站: とれとれ市場前
降車站: 三段壁 (總站)
三段壁
網頁: http://sandanbeki.com/
和歌山縣西牟婁群白浜町2927-52
升降機開放時間:毎日8:00-17:00
千疊敷
離開三段壁，沿住馬路行15分鐘就會去到第二個景點千疊敷啦。千疊敷都係位於太平洋嘅岸邊。今次嘅景觀唔同嘅地方係，呢到就唔係睇岩石嘅斷層，而係欣賞長年累月因為海水同埋海風嘅風化作用導致海邊嘅山石形成咗一層一層嘅奇異嘅形狀。日本人因為覺得佢好似1000張榻榻米鋪係到咁樣所以就改左千疊敷呢個名啊。
沿住馬路，行過公園同埋停車場然之後你就會見到架啦。呢度呢個位置比較空曠啦咁所以呢佢的卡大風，比較晒嘅行嘅時候記得小心啲啦。仲有啊因為啊宗法逐一關係呢呢一度嘅沙石呢比較送院啦同埋啲地勢你比較奇特嘅游水行山客落嘅時候呢都要特別小心啦唔好先親同埋小心刮算啦。
如果行行吓覺得攰呢可以喺千疊敷附近嘅Barley食個下午茶。Barley算係白濱嘅人氣酒吧餐廳，主要都係出名和式西餐嘅，有意粉、pizza，扒類等等都有。我哋就叫左咖哩蛋包飯試下啦。蛋包飯嘅蛋味咩濃郁，一啲都唔乾，配上甜味比較重嘅日本咖哩，黎都要試下架。但係自駕遊嘅朋友，記住飲酒後唔好渣車呀。
離開千疊敷，可以搭返巴士返去白濱海灘啦。日本人呢都非常鍾意白濱呢個海灘。海灘對住太平洋，景色非常之優美，延綿超過600米。每逢夏天都好多日本人黎架。如果冬天黎到，就可以考慮下係沙灘附近嘅露天風呂，例如白良湯同しらすな都係海灘附近架。
巴士路線: 11,31,102
上車站: 南千疊
降車站: 白良浜
千疊敷
和歌山縣西牟婁群白浜町649-2211
Barley バーリィ
網頁: http://www.nagisa.co.jp/barley.html
和歌山縣西牟婁群白浜町2927-557
營業時間: 11:00-21:30
星期三休息
円月島
記住留意時間慢慢沿住海邊行，就會去到第三個景點円月島啦。円月島嘅日落係白濱嘅地標黎架的，因為海水嘅浸蝕，中間呢係穿左個海蝕洞。睇落去呢非常之特別架。
慢慢行附近就可以係路邊嘅停車場或者避車處側邊嘅石低慢慢搵一個好嘅位置呢可以令到日落嘅太陽你會落到去圓月到中間個中入邊嘅睇完月到附近睇日落呢就可以喺路邊嘅停車場或者避車處側邊嘅石壆八度焚坐低，慢慢搵一個好嘅位置令到日落嘅太陽可以落到去中間個窿入面。
大家要留意日落嘅時間，冬天嘅時間呢大概呢就會去到四點半左右，夏天就六點半左右。睇完圓月島，如果大家同我地一樣係一日遊唔住溫泉遊館，就記得呢唔好留咁耐，尤其係夏天，行返出去沙灘附近嘅巴士站準備回程返去火車站啦。離開北濱嘅特急火車最夜呢都係八點之前就會開，所以如果太晏嘅話就要搭普通火車，所以千祈呢就唔好Miss左呢一班火車啦。
巴士路線: 11,31
上車站: 白浜バスセンター
降車站: 白浜駅
