北海道函館麥當勞McGriddles都無訂企 因為有佢－必食幸運小丑燒雞漢堡！
函館位於北海道嘅最南面，係北海道第三大城市。好多人呢都聽過函館嘅夜景好靚，但係食方面呢，你黎到就一定要試吓函館嘅幸運小丑漢堡！
餐廳介紹
幸運小丑係1987年開設第一間新店，而家已經差唔多30年啦。係呢30年入邊函館嘅幸運小丑漢堡已經開咗超過15間分店。最威水嘅呢就係麥當勞喺函館冇立足之地，只有六間分店。所以如果你哋有留意我哋嘅page，睇過我哋之前介紹嘅麥當勞早餐McGiddles，係函館既當地人都吾算受歡迎～
喺函館咁多間分店之中呢五陵郭分店呢算係其中一間比較出名嘅分點，原因係嗰度嘅裝修比較特別比較靚啦，雖然每一間都有唔同嘅設計，漢堡亦都一樣咁好食嘅～ 所以如果貪方便唔想食個下午茶或者消夜呢，就可以去返函館中心附近嘅分店啦，即係函館站，而紅磚貨倉附近同埋元町附近都有分店。認住鋪頭外邊門口嘅小丑公仔就可以搵到架啦～
下圖: 五陵郭分店
下圖: 峠下總店
點餐需知
入得去嘅點餐方法呢同平時係香港嘅快餐店一樣，都係先叫嘢食然後攞完嘢，就係餐廳入邊搵位坐低食啊。大家可以見到餐牌上面其實就多數都有英文嘅，亦都有圖畫，唔怕唔識睇啦。去到見到有好多選擇嘅漢堡一邊嘅餡料，可以揀雞啦，吉列豬扒啦，煙肉蛋啦，豚肉啦，蝦等等嘅。除咗漢堡之外呢亦都有咖喱飯比大家選擇嘅。
但係一場嚟到函館，我哋就推介大家食佢最出名最出名嘅燒雞漢堡啦。大家見到呢左上角嗰個呢就係佢嘅人氣number one set啊，入邊呢除咗爆左一個燒雞漢堡之外亦都有薯條啦同埋烏龍茶。如果覺得一個餐太多呢亦都可以選擇單點嘅，餐牌上面呢有英文寫住chinese chicken buger嗰到，有分梅，竹，松，同埋特上四個選擇啦。梅呢就係普通嘅燒雞漢堡啦，竹就係加左一塊蛋，松呢就係加左芝士嘅，特上就係蛋同埋芝士都有嘅，而價錢都當然係最貴啦。如果本身有啲飽又唔想麵包，淨係想試吓個炸雞呢都冇問題架喎。單點炸雞可以揀兩件，五件，或者10件～
大家都可以參考以上來自幸運小丑網站既Ｍenu，試哂四款人氣味道～
試食報告
呢個炸雞漢堡嘅麵包，外面烘到有少少脆，而入面仍然係吾會好乾，仲係軟林林～烘得啱啱好！麵包夾住一大塊炸雞，雖然係炸雞但係啲炸粉一啲都唔厚，只係簿簿一層～炸雞既表面輕輕搽左一層燒汁，令成個看到感覺上唔會咁油膩。一啖咬開佢嘅時候，雞肉好嫩滑。配埋包入面嘅生菜同埋蛋黃醬一齊食，真係完美既配搭！終於都明白點解函館人寧願食炸雞漢堡都唔要麥當勞啦～
Number one set： 650yen
燒雞漢堡：350yen（梅），390yen（竹）， 400yen（松），450yen（特上）
單點燒雞：190yen（2件），440yen（5件）， 850yen（10件）
店舖資料
分店分佈: (詳細地址請click入網址)
営業時間：10:00 - 0:30 (星期六晚1:30)
