「黎到日本都要食麥當勞?」-必食McGriddles <鬆餅Burger>

近年到日本餐行,最熱門嘅早餐店一定係食pancake,但係有時去旅行去到有啲攰,未必每一朝都想去排隊,想留係酒店休息耐啲,又或者晨咁早就要趕火車去遠啲,麥當勞既就鬆餅Burger早餐就岩你啦。啲人成日話,日本咩都好啲,空氣都新鮮啲。真係,麥當勞包既款式都特別啲好食啲!

咁去到麥當勞叫乜嘢食好呢,咁就梗係叫啲香港冇架啦! 我哋向大家推介呢一個早餐,就叫做マックグリドル (McGriddles)。佢係用兩塊好似熱香餅嘅hotcake,取代咗平時嘅包或者muffin,hotcake面印有一個大大的「M」字架。呢個McGriddles而家只可以係日本、新加坡、美國、部分歐洲國家先有得食架~

McGriddles有三款可以揀,由左至右分別係 左)豬柳蛋芝士McGriddles、中)煙肉蛋芝士McGriddles、右)豬柳芝士McGriddles,而圖中價錢就係單售既格價。

試食報告

我地當日因為趕JR去摘巨峰提子,就plan早餐去買一個豬柳蛋芝士鬆餅漢堡套餐、一個煙肉蛋芝士鬆餅漢堡套餐上車食。

我地覺得二款之中,最好味嘅就係豬柳蛋芝士McGriddles喇~ 兩塊hotcake嘅粉漿係加左楓蜜糖漿黎整成既,就咁食塊hotcake會食到甜甜地,配埋本身鹹味比較重嘅豬柳,真係出奇咁夾!加上新鮮煎好嘅厚厚雞蛋,熱力令到芝士勁溶!一啖咬落去甜味鹹味相稱,蛋味十分,溶化中既芝士令到成個漢堡更有層次,仲令到成日配搭無咁乾!

而煙肉蛋芝士McGriddles唯一吾好就係煙肉比較難咬開,而且太薄,口感上既層次感就大大減低左 :p

點餐三步曲

第一步主食,請參加上面三款McGriddles。

第二步揀二食,有以下四款選擇。

第三步揀野飲,請參考下圖。

我地一見到有野菜生活,就二話不說點左,可惜有點點兒失望,因為佢無樽裝個枝咁咁濃,飲落去好似加左水咁。

而第三行中間個個就係Ice tea,都係用lipton嘅茶,本身有淡淡嘅檸檬味佢係,再比你自己加糖漿既,所以岩哂F妹中意好少甜既凍檸茶。

相關資訊

麥當勞官網: http://www.mcdonalds.co.jp/ 早餐Menu:http://www.mcdonalds.co.jp/menu/morning/index.html 早餐時間: 06:00am – 10:30am

分店: https://map.mcdonalds.co.jp

RECENT POSTS
SEARCH BY TAGS
ARCHIVE