大阪道頓堀必食-章魚燒比併


去到大阪道頓堀點可以吾食章魚燒先?

係網上面見到好多介紹章魚燒既店舖, 究竟邊間章魚燒先係最值得食呢 (錢唔係問題啊,最驚曬咗個胃咋) 所以今次我哋就揀咗三間上網都大推嘅章魚燒舖頭試食,俾大家做個參考啦 :)

第一間介紹既就係呢間-「章魚燒 十八番」,呢間亦都係我哋最推介既一間。

F妹覺得呢間最好食既原因係,佢整既章魚燒喺三間入邊最細粒既,所以粉漿同材料既配搭比例係PERFECT! 雖然章魚既實際大小未必比其餘兩間大,但因為粉漿小,章魚係一粒細細地既更顯存在感,所以個粒章魚燒好有層次,表皮燒到脆,咬入去係林,章魚同其他材料係爽既! 另外,由於當時食真係熱辣辣,即整即食 (食落去個口噴曬煙),所以個粉槳係接近溶化咁濟!係係口入面溶化架一D都吾粉同吾乾!加上我地叫左醬汁配沙律醬,真係好正正子 <3

補充一下,口味方面分為四種:

1號 醬汁

2號 塩味

3號 醬汁配沙律醬

4號 一半一半

仔細睇,章魚燒表面有凹凸不平的感覺,經問一問,原來佢地係粉漿入面加左櫻花蝦、薑、牛奶同埋類似天婦羅炸粉,所以我地都覺得幾特別 :P

另外就係佢哋嘅店員好熱情,係未食之前都係咁r吹,等都等得開心D :D

佢哋嘅店員好熱情,係未食之前都係咁r吹,等都等得開心D :D (偷偷sip鏡)

章魚燒 十八番 大阪市中央区道頓堀1-7-21

第二間介紹既係好受大阪人中意既-「くれおーる」。

「くれおーる」既章魚燒既粉漿係當年開創人用左好心血研究出黎既「7種粉末調配出的粉漿」,食落外皮係卜卜脆架,內層就係是柔軟濕濕的。不過可能因為配方既關係,係三間之中最燒得最燶既一間,食吾慣既朋友要注意啊!不過V仔中意食微微燶既就覺得幾野味。

相比之下,呢一間嘅章魚燒比第一間較大粒 (姐係粉會用多D),而佢既八爪魚都幾細粒,食落去嘅時粉稍微多左少少。不過去呢間章魚燒一定要係佢秘製既醬汁同蛋黃漿,一加左落去食,成味道都會提升左一個層次,口感少左一份粉粉的感覺。上網見到連大阪人自己都要幫親「くれおーる」(大阪女仔從小比教導,吾識整章魚燒會嫁吾出),可見呢間都幾值得試!

くれおーる 大阪市中央区道頓堀1-6-4

第三間介紹既係-「章魚燒 TAKO八」。「章魚燒 TAKO八」係一間老舖,除左章魚燒,都好出名大阪燒。雖然都係比人係網上大讚,不過我地覺得係三間之中最遜色既。

我地兩個都覺得,呢一間章魚燒吾好食既原因係真係太太太多粉。

係就係三間之中最大粒,但係佢哋嘅餡嘅份量冇相對增加好多,所以個比例就變得唔係好平均。粉多之餘,食嘅時候章魚燒好快就變扁,變咗一pat麵粉咁樣。亦都因為太多粉,一食就粉還粉,材料還材料,一咬散哂...

所以我地覺得,去呢間老店試大阪燒可能更值得試一試 :)

たこ八 大阪市中央区道頓堀1-5-10

RECENT POSTS
SEARCH BY TAGS
ARCHIVE