在港體驗日本居酒屋氣氛、大阪風情－Futago HK大阪燒肉🍺
📣📣📣影片要開聲聽 要開聲聽！
飲食貼士
我地一向主打日本旅遊行程兼美食，今次推介呢間位於香港既燒肉店，無非係因為呢間過江龍充滿大阪人熱情風味，而且相當似當地居酒屋既氣氛，係香港既日本迷好值得食🎌
片中主打介紹既 <大得驚人的牛小排> 係鎮店牛扒，每日只係供應10-15客，記得記得訂位時要預訂埋佢😾 牛排上爐燒之時，全體店員會一齊高呼日文📢表示開動去食牛扒！
以下對話可以學定先啊：店員會話：「せーの～」(讀音se yi no~) [意思係Ready, Set, Go!] 之後佢會教客人回應：「よいしょ～」(yo yi shio~)[意思係開始！Let's go!]
試食評價
諗番起真係好有氣氛，即刻想飲番杯🍻 牛排係點餐時可以揀醬燒/鹽燒，今次我地揀左醬燒，感覺味道更入味更均勻。店員會幫我地燒到剛剛熟🔥，一塊牛排包含四個牛既部位：肋條肉、包肋肉、肉眼芯、背蓋肉。平時既店舖都係會分開切開賣，今次呢塊一次滿足哂你既慾望😍 (價錢片中有介紹)
V仔最推薦肋條肉同背蓋肉，原因佢偏肥，多油脂令牛既味道提升好多，而且口感會比較林，油脂同肉質係口中真係一齊溶化既，回味無窮😭 F妹就中意包肋肉同肉眼芯，部位偏瘦，肉質會容易燒到有焦焦地咁，油脂少牛肉會比較實，微微既油脂配上焦香味道，F妹覺得味道更佳更有烤爐風味💁🏻
全晚都係食肉食脂肪，點都要配上清新點既沙律/蔬菜中和，我地非常推介大人氣😋 芝麻鹽醬椰菜。fresh得黎吾寡又吾似食清草咁，椰菜好爽好新鮮，配上芝麻鹽醬真心好夾，吾會太淡太鹹撈得恰到好處，唯一吾好就係份量好少，好快三兩下就會食哂😟
另外，當日既厚切特上牛舌、上等鹽燒牛舌已經賣哂，我地只係點到普通鹽燒牛舌，味道當然無咁深刻，我地認為不值得點。各位如果想食牛舌，點都要訂厚切啊😍
餐廳資訊
銅鑼灣店: 銅鑼灣伊榮街1至5號地下B舖 電話: 2898 7707 營業時間 星期一至日: 12:00-15:00; 17:30-23:00
尖沙咀店:尖沙咀緬甸臺8號地下G14-16舖 電話：2374-1038 營業時間: 星期一至日: 12:00-15:00; 17:30-22:30
